Vegen mot ugjerningar

Etter moskéskytinga i Bærum har eg sett det igjen. Nokre er mest opptekne av å diskutera gjerningsmannen si psyke, og av å framstilla han som gal. Andre er mest opptekne av det openbert politiske i ugjerninga. Det politiske har vorte understreka av at han i eit nyleg fengslingsmøte løfta handa i ei nazihelsing, og av meldingane han ser ut til å ha lagt igjen før han tok seg inn i moskéen med våpen i hand.

Altfor ofte vert psykologiske faktorar og politiske faktorar framstilt som ein slags motsetnader. Dei er ikkje det.

Radikalisering – eller yttarleggange, som eg har vore freista til å kalla det – er sjølvsagt eit komplekst fenomen, men som den tidlegare Department of Homeland Security-analytikaren Daryl Johnson påpeiker i den nyleg utgjevne boka Hateland (2019) er det to komponentar som går att.